Konsulencë për hapjen e klinikës dentare dhe të laboratorit

Nuk është e detyrueshme, por klinika dentare ka më shumë kërkesa teknike se një zyrë: ajër i kompresuar, aspirim, ujë dhe shkarkim për çdo kolltuk, sallë sterilizimi dhe dhomë radiografie me mbrojtje nga rrezatimi. Kur këto planifikohen bashkë me planimetrinë, shmangen prishjet dhe vonesat në kantier. Ne e bashkojmë projektimin me njohjen e pajisjeve, sepse i instalojmë edhe vetë.

Zakonisht 16–28 javë nga vizita e parë deri në hapje: 1–2 javë për vizitën dhe planifikimin, 4–6 javë për projektin, 3–4 javë për dokumentacionin e lejeve dhe të licencimit, pastaj 8–16 javë për punimet dhe instalimin e pajisjeve. Afatin e zgjasin më shumë lejet, licencimi i radiografisë dhe porositë e pajisjeve. Pas vizitës në ambient ju japim kalendarin për rastin tuaj.

Zakonisht duhen leja ose njoftimi i punimeve pranë bashkisë (në Kosovë, pranë komunës), licenca e klinikës nga autoritetet shëndetësore dhe licenca për radiografinë: në Shqipëri nga Komisioni i Mbrojtjes nga Rrezatimi (KMR), në Kosovë nga AKMRSB. Në Shqipëri, stomatologët licencohen nga Urdhri i Stomatologëve të Shqipërisë. Ne përgatisim dokumentacionin teknik; aplikimet i bën klinika.

Para se të nënshkruani qiranë ose blerjen, vijmë ta shohim ambientin. Kontrollojmë lartësinë, mundësinë për kanale aspirimi dhe shkarkimi në dysheme, fuqinë elektrike, ajrimin, si dhe ku mund të vendosen kompresori dhe radiografia. Kështu e dini që në fillim sa kabinete dalin, çfarë punimesh duhen dhe nëse ambienti i plotëson kërkesat për licencim.

Po. Shtojmë kabinete, riorganizojmë sallën e sterilizimit, përshtatim impiantet për pajisje të reja ose rinovojmë interierin, duke e ndarë punën në faza që klinika të vazhdojë të punojë. Pajisjet ekzistuese i vlerësojmë një për një, që të vendosni çfarë mbani dhe çfarë zëvendësoni. Për instalimin, riparimin ose zhvendosjen e pajisjeve shikoni shërbimet tona për pajisjet.